Girls’ punch թիմի հաղթանակը

Posted by: | Posted on: Մայիսի 18, 2017

Աշտարակի թիվ 2 դպրոցի 12-14 տարեկան աղջիկների Girls’ punch թիմը  (Անահիտ Մկրտչյան, Ջուլիետա Արշակյան, Անի Գարանյան, Թերեզա Թումանյան, Նելլի Բադալյան) հաղթող ճանաչվեց «Աշխարհի խոշորագույն տեխնոլոգիական ձեռներեցությունը աղջիկների համար» ծրագրի հայաստանյան մրցույթի շրջանակներում: Մրցույթի առաջադրանքն էր  12 շաբաթների ընթացքում ուսումնասիրել Կայուն զարգացման նպատակներից (ԿԶՆ) բխող վեց թեմաներից (բնապահպանություն, աղքատություն, խաղաղություն, հավասարություն, կրթություն, առողջապահություն) որևէ մեկը, հետազոտություն կատարել համայնքում և առկա խնդիրներից մեկին տալ լուծում բջջային հավելված ստեղծելով: Թիմը ընտրեց կրթություն թեման: Աղջիկները մենթոր Նարինե  Մեսրոպյանի ղեկավարությամբ ստեղծել են Safe Internet բջջային հավելվածը, որից օգտվելով երեխաները կարող են անվտանգ զգալ իրենց համացանցում, քանի որ երեխաների անվտանգությունը համացանցում մեծ խնդիր է: Երեխաները հաճախ անտեսում են հնարավոր վտանգները,իրազեկված չեն դրանց վերաբերյալ՝դա է պատճառը,որ երեխաները համացանցում առընչվում են  բազմաթիվ խնդիրների:

Բջջային հավելվածը կօգնի երեխաներին լինել տեղեկացված խաղերի, խորհուրդների, թեմայի վերաբերյալ հղումների միջոցով, անհրաժեշտության դեպքում նրանք կարող են ստանալ ստանալ խորհրդատվություն:

«Աշխարհի խոշորագույն տեխնոլոգիական ձեռներեցությունը աղջիկների համար» ծրագիրն իրականացրել են Կրթության ազգային ինստիտուտն ու «Կանայք և տեղեկատվական հասարակությունը» ՀԿ-ն: Ծրագրին աջակցել են ՄԱԿ-ի հայաստանյան գրասենյակը, Հայաստանի ամերիկյան համալսարանը, Տեղեկատվական և հաղորդակցության տեխնոլոգիաների գործատուների միությունը, «Սինոփսիս Արմենիա» ընկերությունը, «Յունիքոմփ» ընկերությունը և «Ձեռնարկությունների ինկուբատոր» հիմնադրամը:

 

 

 

 

  


«Մաքուր Հայաստան» շաբաթօրյակի շրջանակներում, Աշտարակի Ս. Շահազիզի անվ. թիվ 2 հիմ. դպրոցի աշակերտները մաքրում են Կարմրավոր եկեղեցու շրջակայքը։

Posted by: | Posted on: Մայիսի 11, 2017


Մեր բանակը 25 տարեկան է

Posted by: | Posted on: Մարտի 2, 2017

Աշխույժ իրարանցում էր Աշտարակի Սմբ. Շահազիզի անվան թիվ 2 հիմնական դպրոցում: Միջանցքում հանդիպում էին զինվորական համազգեստով զինվորականներ: Բացվում էր մուտքի դուռը և ներս էին մտնում զինվորական սպաներ, հյուրեր:

        Քիչ անց նրանք ականատեսը եղան հայոց բանակի կազմավորման  25-րդ տարեդարձին նվինված միջոցառմանը:  Ի վերջո բացվեց վարագույրը և  ՀՀ  հիմնի  հնչյունների ներքո  ներս բերվեցին  ՀՀ, Արցախի և ԵԿՋ  դրոշները:

        Հուզված և ոգևորված հանդիսատեսը հնարավորություն ունեցավ բանակի կազմավորման ժամանակաշրջանից հասնել մինչև  ապրիլյան քառօրյա պատերազմի օրերը: Բանակին նվիրված երգն ու պարը հասնելով հանդիսատեսի սրտերին` հուզմունքի և հպարտության զգացում պարգևեցին մասնակիցներին:

        Տնօրեն Հ.Բալայանի հավաստմամբ միջոցառումը մեկ անգամ ևս համոզեց, որ մեր գալիք սերունդը  այսօրվա զինվորի  արժանի հերթափոխն է, մեր ապագա սահմանապահը:

        Խրախուսվեցին միջոցառման և՛ մասնակիցները, և՛ կազմակերպիչ Գ.Պետրոսյանը:


Ունենք հմուտ ձեռքեր և սուր միտք

Posted by: | Posted on: Փետրվարի 28, 2017

Աշտարակի Սմբ. Շահազիզի անվան թիվ 2 հիմնական դպրոցի 3-րդ դասարանում  դասվար Ք.Շահազիզյանն  անցկացրեց  ինտեգրված դաս

<< Տեխնոլոգիա >>  առարկայից:

Դասի թեման` ջրային թռչունի` բադիկի պատրաստում օրիգամիի միջոցով:

Աշակերտներն  ակտիվ  մասնակցում էին դասին,  օգտագործելով  իրենց գիտելիքները մայրենի , մաթեմատիկա ,  ես և շրջակա աշխարհը, երաժշտություն առարկաներից: Տեսական գիտելիքները համեմվում էին գործնականով և պատրաստում էին ջրային բադիկներ թղթից:

  

 


Ապահով Համացանցի օրը մեր դպրոցում

Posted by: | Posted on: Փետրվարի 28, 2017

Ապահով համացանցի միջազգային օրը նշվում է  սկսած 2004-ից յուրաքանչյուր տարվա երկրորդ ամսվա երկրորդ շաբաթվա երկրորդ օրը: Այս տարի ՝ փետրվարի 7-ին երկրագնդի բոլոր մայրցամաքների ավելի քան 100 երկրներում արդեն 12-րդ անգամ նշվում է Ապահով համացանցի օրը: 2017-ին  օրն անցնում է «Փոխվե՛նք. միավորվե՛նք հանուն ավելի լավ համացանցի» կարգախոսի ներքո, որով բոլոր օգտատերերին կոչ է արվում միավորել ջանքերը՝ բոլորի, իսկ մասնավորապես՝ երեխաների ու երիտասարդների համար համացանցն առավել ապահով ու լավը դարձնելու նպատակով: Ucom-ը «Մեդիակրթության կենտրոն» և «Ինտերնետ Հանրություն» կազմակերպությունների հետ համատեղ փետրվարի 7-ին Աշտարակի Սմբատ Շահազիզի անվան թիվ 2 դպրոցում  տրվեց  «Ապահով համացանց Հայաստան 2017» վեցամսյա ծրագիրի մեկնարկը, որի շրջանակներում մայրաքաղաքի և մարզերի մի շարք դպրոցներում կանցկացվեն բաց դասեր համացանցի և թվային տեխնոլոգիաների ապահով օգտագործման վերաբերյալ: Կտպագրվեն ու կհրապարակվեն հայալեզու կրթական ձեռնարկներ, որոնք հատուկ մշակվել են համացանցային էթիկայի ու ապահովության խնդիրների շուրջ խորհրդատվություն տրամադրելու նպատակով:


ՄԵՐ ԱՇԱԿԵՐՏՆԵՐԻ ՀԵՐԹԱԿԱՆ ՀԱՂԹԱՆԱԿԸ

Posted by: | Posted on: Փետրվարի 16, 2017

Աշտարակի Սմբ. Շահազիզի անվ. թիվ 2 հիմնական դպրոցում շուրջ 10 տարի գործում է <<Բանավեճի ակումբ>>-ը:

Մեր դպրոցը միշտ  էլ ակտիվ մասնակցություն է ունեցել տարբեր մրցույթներում և ունեցել է հաջողություններ:

Այս տարվա փետրվարի 14-ին կայացավ միջդպրոցական մրցույթային առաջին փուլը, որտեղ մեր թիմի մրցակիցն էր Աշտարակի Ն. Աշտարակեցու անվան թիվ 1 հիմն. դպրոցի թիմը: Մեր <<բանավեճականները>> փայլուն հանդես եկան և համոզիչ հաղթանակ տարան:

Փետրվարի 14-ին Աշտարակ քաղաքում կայացած բանավեճի միջդպրոցական առաջին փուլի արդյունքները հետևյալն են`

Թիվ 2 հիմնական դպրոց-60 միավոր

Թիվ 1 հիմնական դպրոց -50 միավոր

Օշականի միջն. Դպրոց- 47 միավոր

Թիվ 3 հիմնական դպրոց- 44 միավոր


Դաս- մրցույթ անգլերենից V դասարանում

Posted by: | Posted on: Փետրվարի 13, 2017

 

Անհնար է պատկերացնել  XXI  դարի աշակերտին, առավել ևս շրջանավարտին, առանց օտար լեզվի բավարար իմացության։ Հենց սա էլ գիտակցելով՝ դպրոցում առանձնակի ուշադրություն է դարձվում օտար լեզվի ուսուցմանը։          Օրերս դպրոցի  համակարգչային կաբինետում անցկացվեց հերթական դասը։ V դասարանում անգլերենի ուսուցչուհի Գոհար Բոցինյանը հետաքրքիր ձևաչափով անցկացրեց դաս- մրցույթ  “The USA”թեմայով։ Այն իրենից ներկայացնում էր վիկտորինա։ Դասարանը բաժանվեց երկու խմբի։ Ընտրվեցին թիմերի անունները՝ ամերիկյան դրոշի սկզբունքին համաձայն /”The Stars” և“The Stripes”/ : Հարցերը թաքնված էին անգլերենի այբուբենի տառերի տակ։ Աշակերտներն  ընտրում էին համապատասխան տառը և էկրանին կարդում տառի տակ թաքնված հարցը։ Նրանք աշխատում էին մեծ ակտիվությամբ և ոգևորությամբ։ Զգացվում էր ձեռք բերված գիտելիքների հարուստ պաշարը և ՏՀՏ-ից օգտվելու կարողություններն ու հմտությունները։ Կատարված նախապատրաստական աշխատանքները տվեցին իրենց զգալի արդյունքը։ Ակտիվ աշակերտները ստացան բարձր գնահատականներ ,իսկ հաղթող թիմը՝ նաև  փոքրիկ մրցանակ։